محمد سيد طنطاوى
محمد سيد طنطاوى ( قرية سليم، محافظة سوهاج ، 28 اكتوبر 1928 - الرياض ، 10 مارس 2010 ) شيخ الجامع الأزهر من سنة 1996 لغاية وفاته فى 10 مارس 2010. اتلقب بـ " الإمام الأكبر شيخ الجامع الأزهر ". نال تعليمه الدينى و هو صغير فى اسكندريه. بيعتبر من شيوخ الأزهر المستنيرين و من احسن المتخصصين فى علوم التفسير.
أخد الدكتوراه فى علوم التفسير و الحديث بدرجة امتياز سنة 1966 ، و إشتغل مدرس فى كلية أصول الدين فى القاهره ، و فى 28 اكتوبر 1986 اتعين مفتى الديار المصريه ، و فى سنة 1996 بقى شيخ الأزهر.
بيعتبر من شيوخ الأزهر المستنيرين اللى بيدو صوره كويسه و متحضره عن الإسلام فى فتره إعتبر فيها العالم إن الاسلام عقيده ارهابيه بتقوم على القهر و الظلم.
إتعرض لحمله متعسفه من متطرفين و عرب بسبب موقفه من النقاب و قوله ان النقاب مجرد عاده ثقافيه و اجتماعيه مالهاش علاقه بالاسلام كدين. و شنت عليه قنوات تلفزيونيه عربيه حمله مسعوره خاصة قناة الجزيره بتاعة مشيخة قطر وصلت لحد التهجم على الأزهر و مصر نفسها. واتهمته بإنه " يشارك بحملة صليبية ضد الإسلام "
اتوفى الشيخ محمد سيد طنطاوى فى الرياض فى السعوديه بنوبه قلبيه فى 10 مارس 2010 بعد ما قاد الازهر فى ظروف صعبه وسط منطقه مضطربه انتشر فيها التطرف و العنف و الابتزاز الدينى و السياسى. اتعرف محمد سيد طنطاوى بالإعتدال و التسامح و الاستناره. نعته بلاد كتيره كان منها الجزاير اللى وصفه رئيسها بـ" الإمام المتنور والمعتدل " ، و وصفه الكاردينال جان لوي توران مسئول الفاتيكان و رئيس المجلس الأسقفى للحوار بين الاديان بإنه كان " رجل سلام وحوار ". مسك بعده منصب الإمام الأكبر و شيخ الازهر, الشيخ احمد محمد الطيب.
سبقه | جاد الحق على جاد الحق
الفتره : 1996 - 2010
لحقه | أحمد محمد الطيب
الفتره : 1996 - 2010
لحقه | أحمد محمد الطيب
 شيخ الجامع الأزهر من سنة 19...){kind=link}
تعليقات: 0
إرسال تعليق